海皇粥店 (樂道) (已結業)

❣︎海皇粥店❣︎由1992年創立至今，係全港最巨規模嘅粥店👍🏻除左粥品之外，連家常便飯套餐同米線都有👍🏻好創新，尖沙咀呢間喺我公司樓下，所以我成日幫襯。❣︎及第粥❣︎$54內有鮮肉丸，肉片，豬心，粉腸，豬肚，豬肝。鍾意樣樣有啲嘅就一定要叫呢碗🙂‍↔️套餐加$5仲可以有一份煎蘿蔔糕，蘿蔔糕煎得唔錯，外脆內嫩，仲有成四件添👍🏻唔加就走寶😛加$6就有埋杯豆漿。❣︎雙拼生滾粥❣︎$54豬潤皮蛋我嘅至愛😋豬潤同皮蛋份量好足👍🏻豬潤鮮嫩無腥味，加$5可以多一份炒米，炒得乾爽彈牙，呢到嘅炒米加埋菜脯一齊炒😋特別香口惹味。❣︎牛脷酥❣︎$14剪好一小舊噤上，方便人客食用👍🏻非常貼心，炸得鬆軟又酥脆，食粥必備配搭。