影片
更多
2019-06-30
125 浏览
呢間川菜都係朋友介紹，同屋企人通常都比較鍾意食中菜，今日下午去到餐廳唔算好大，但係有房；如果多人呢可以book房。午市唔算好多人，而且都坐得好舒服，呢度服務仲幾好。餐牌係用tablet點餐，好方便；而且餐牌選擇都非常之多，我哋都諗咗好耐食咩，花多眼亂樣樣都想試！叫咗蒜泥白肉一客分量都唔少，而且卷得好精美，蒜泥白肉捲咗青瓜好好食，蒜蓉非常之多，而且好香口，食落都幾辣。不過就偏鹹咗啲啲，但係總括嚟講我覺得幾好食。見好耐冇食過蔥油餅，所以就叫咗。蔥油餅係薄片，煎得好香好夠脆，趁熱食一流！酸菜魚一鍋好大窩，揀咗龍躉，啲肉非常之新鮮彈牙，而且一啲都唔腥，原來入面仲有薯粉，真係好夠飽！由於唔知酸菜魚入面有薯粉，所以我哋嗌咗個擔擔麵。擔擔麵嘅麵質係淮山麵，食落去叫咗小辣，辣得好香，不過擔擔麵嘅湯底就偏少，所以更加覺得辣。咕嚕肉有驚喜，整得細細粒，但係卜卜脆！呢個真係一定要趁熱食！炒咗個菜係萵筍絲，都係辣辣地，有川菜風味，而且幾爽口，唔錯！酸辣湯飲落去有層次，味道好似帶點辣辣地又有啲麻油香，入面都用料豐富，最後叫咗個甜品糖不甩，一客有四粒，面上面啲椰絲及花生都夠多，整出嚟熱辣辣煙煙靭靭。呢間川菜食物質
呢間川菜都係朋友介紹，同屋企人通常都比較鍾意食中菜，今日下午去到餐廳唔算好大，但係有房；如果多人呢可以book房。午市唔算好多人，而且都坐得好舒服，呢度服務仲幾好。
餐牌係用tablet點餐，好方便；而且餐牌選擇都非常之多，我哋都諗咗好耐食咩，花多眼亂樣樣都想試！
叫咗蒜泥白肉一客分量都唔少，而且卷得好精美，蒜泥白肉捲咗青瓜好好食，蒜蓉非常之多，而且好香口，食落都幾辣。不過就偏鹹咗啲啲，但係總括嚟講我覺得幾好食。
見好耐冇食過蔥油餅，所以就叫咗。蔥油餅係薄片，煎得好香好夠脆，趁熱食一流！
酸菜魚一鍋好大窩，揀咗龍躉，啲肉非常之新鮮彈牙，而且一啲都唔腥，原來入面仲有薯粉，真係好夠飽！
由於唔知酸菜魚入面有薯粉，所以我哋嗌咗個擔擔麵。擔擔麵嘅麵質係淮山麵，食落去叫咗小辣，辣得好香，不過擔擔麵嘅湯底就偏少，所以更加覺得辣。
咕嚕肉有驚喜，整得細細粒，但係卜卜脆！呢個真係一定要趁熱食！
炒咗個菜係萵筍絲，都係辣辣地，有川菜風味，而且幾爽口，唔錯！
酸辣湯飲落去有層次，味道好似帶點辣辣地又有啲麻油香，入面都用料豐富，
最後叫咗個甜品糖不甩，一客有四粒，面上面啲椰絲及花生都夠多，整出嚟熱辣辣煙煙靭靭。
呢間川菜食物質素幾好，服務又好，值得推介！
张贴
