花月宮 (已結業)

喺尖沙咀想靜靜地同朋友打下邊爐 呢到絕對係唔錯嘅選擇🥰 每一張枱都好寬敞 好有空間感👍🏻呢度嘅火鍋湯底都幾多選擇 我哋揀咗滋潤養顏雪蓮子桃膠椰子雞鍋🐥 係凍冰冰嘅天氣底下可以飲一碗滋潤嘅椰子雞煲真係好爽 湯底一開始好香椰子味 清甜唔會好鹹🤤 火鍋湯底已經有半隻雞 雞件食到尾都好滑好好味 無變老😋 2個人叫已經夠晒食 唔使點太多火鍋配料🤩火鍋配料我哋就揀左本地手切新鮮頂級騸牯牛頸脊 鳳城水餃同萵筍🤤 一碟牛頸脊份量都好足😍 帶有牛脂香味 牛味都濃👍🏻 鳳城水餃皮薄餡靚 必點😋 飲品試咗一渣青梅竹馬 應該係酸梅湯同竹蔗茅根嘅化身🤣 酸酸甜甜 非常適合打邊爐🌟