美麗華嘅ESPRESSO ALCHEMY搬咗新鋪！
裝修有格調又舒服，氣氛好輕鬆、裝修用木調同少少工業風，座位闊落，啱晒三五知己或者情侶小聚。
我哋今次叫咗青醬雞肉長通粉，啖啖肉雞胸切得厚身，食落啱啱好嫩滑又Juicy，雞肉啱晒青醬嘅香草味同微微蒜香，味道層次好豐富。長通粉吸晒醬，爽口有彈牙，每啖都感受到巴西利嘅鮮甜，加埋粒粒番茄融合得好自然，食落去口感真係好好味，好入味又唔膩。
Burger方面我哋揀咗烤雞菠蘿漢堡，成件雞扒夠厚，咬落去好冧且Juicy。雞肉表面微脆，夾埋燒菠蘿，帶出天然鮮甜，少少焦香混合果香真係幾惹味。Burger包質地好Q唔會好乾，中間配料又多多層次，配埋焗薯，薯塊焗得外脆內軟，唔會太鹹，口感好煙靱。
Earl Grey Chocolate入口係濃郁朱古力加伯爵茶香，細味之下茶味滲出，唔會被朱古力遮蓋，好有層次，食落唔會膩，非常啱下午茶慢慢歎。
藍莓蛋糕同Earl Grey Chocolate。蛋糕鬆軟有彈性，內裏啖啖藍莓，鮮甜酸香交織，面層微焦咬落去好爽口。
