串燒殿 (已結業)

喺尖沙咀金巴利道開咗一間新嘅串燒餐廳！經常喺尖沙咀出沒嘅我一定要試吓啦😍錫紙燒蒜蓉花甲喺menu見到蒜蓉花甲就忍唔住一定要嗌黎試下！花甲好鮮甜，蒜蓉一啲都唔吝嗇，勁多勁正😍。除咗蒜蓉之外，仲有蔥同埋芫荽，加埋好惹味，不過唔鍾意芫荽嘅朋友記住走芫荽喇😌燒五花腩串五花腩本身已經冇得輸，再加埋燒烤嘅調味，真係想食多幾串😙燒肥牛金針菇卷食串燒必嗌嘅肥牛金菇卷🤣一串總共有三舊肥牛金菇卷，唔會燒到好乾，金菇仲有汁架！燒甜美菠蘿燒菠蘿熱辣辣，但又甜又多汁！燒超惹味雞泡魚燒雞泡魚口感幾特別，煙煙韌韌，點買沙律醬食仲正。