新竹園軒

营业中

休息中

尖沙咀想食中菜嘅話就一定要試吓呢間❤️新竹園軒！餐廳環境都幾舒服，掛咗好多有中國特色嘅畫作，同埋非常光猛！梅菜扣肉❤️梅菜扣肉好邪惡，五花肉食落淡淡都有有梅菜的香味，而且扣肉外皮又好厚，肉質又好腍！椒鹽富貴蝦❤️鑊氣十足嘅椒鹽富貴蝦，蝦肉彈牙鮮甜，而且加咗椒鹽味道更加香濃！鹹魚蓉煎肉餅❤️平時都好鍾意食蒸肉餅，但見到呢一個煎肉餅都好吸引，鹹魚用煎肉餅煎到少少香脆，入面肉汁都好多！西芹百合炒黑木耳❤️色彩繽紛嘅蔬菜，全部都好健康，西芹、百合加埋黑木耳，營養非常充足！