新東園

营业中

休息中

今日朋友介紹話帶我去食lunch，然後走咗入去海防道街市，我先知道原來呢度有個熟食中心！！😆😆真係喺度返咗工咁耐都唔知😂😂見到呢間新東園嘅店員服務幾好，而且餐牌都好吸引，所以就坐低食咗！！😊😊今次我叫咗個蔥油豬扒蛋撈公，一嚟到勁大碟，而且價錢非常抵食，絕對係良心小店。味道方面，勁香蔥油味，豬扒煎得啱啱好加埋蔥油一齊食，鹹鹹地，又煎到好脆，個口感一流阿！煎蛋雖然唔係流心，但係好重蛋味，撈埋啲蔥油食，超正阿！我連埋啲麵一齊食，超級香，味道超夠！勁讚阿。坦白講，以食物質素來講，呢度絕對好適合香港人嘅口味而且價錢咁貼地，可以變成我哋尖沙咀返工嘅飯堂之一❤️❤️