花月宮 (已結業)

約左酒友打邊爐，呢度好適合傾計，張枱夠大間隔又闊，宮廷風裝修感覺好新淨企理。養生豆腐白肉湯鍋心大心細揀左呢個白肉鍋，湯底有淡淡藥材香味，重點係鍋底有勁多料😱白肉、腐竹、好滑嘅鴨血都勁多，未見過咁足料嘅鍋底🤤川式口水雞調味好正，帶酸甜微辣，雞肉非常厚身，雞皮係爽嘅，份量超多。叫左幾個送酒小食，豬頸肉燒得幾靚，魷魚鬚超正，又脆又爽，炸粉都唔厚。手打鮑魚丸雪白嘅丸子入面包左鮑魚粒，幾鮮甜有咬口。自家製脆炸響鈴上枱果陣啱啱炸好，店員話可以就咁食或者放湯。我中意放湯幾秒，吸左湯豆味更出。