海南少爺 (已結業)

海港城血拼完黎食晚餐。餐廳窗邊有無敵海景，可惜今晚滿座了～茗茶淡淡玫瑰花香，好少係新加坡餐廳飲到玫瑰花茶，感覺特別。👉🏻半隻海南雞＋1湯1飯揀左招牌菜海南雞，半隻份量都幾多，去晒骨啖啖肉。雞胸同雞髀肉各佔一半。雞髀一定係嫩滑啲，雞胸都唔硬👌🏼雞肉底有少少淡豉油，再點三款醬都幾滋味😸👉🏻鹹蛋黃魷魚🦑邪惡之選，魷魚大大塊，每塊都有層沾滿鹹蛋黃嘅薄脆皮，超香超爽。👉🏻沙茶牛肉芥蘭本身想叫馬拉盞炒通菜，醒目嘅朋友見到芥蘭牛肉都係$98😚好抵食。牛肉同芥蘭都好多，兩樣都幾嫩，調味偏濃剛好餸飯，全部清晒🙌🏻