泰沾麵

营业中

休息中

最近去咗尖東呢間新開嘅泰國小店Asura泰沾麵，每道菜嘅味道都好正宗，仲要環境靚，賣相精緻，服務友善，價錢唔貴，性價比極高，忍唔住立即介紹俾大家👍🏻雞肉鑊氣炒河($98)超級好食，媲美曼谷食過嘅名店！秘訣在於用上泰國空運到港嘅河粉，口感煙韌，掛上老闆秘製醬汁，超惹味！而且炒得好有鑊氣，而家諗起都好掛住呀！必食！招牌泰式沾麵($108)雖然Menu冇顯示，但係夜晚都有得食呢度嘅招牌沾麵架！從來都唔知泰國有沾麵，非常特別！湯底可以揀紅咖喱配魚或者青咖喱配雞，由於老闆話辣度唔會特別遷就香港人，所以我哋就保守地選擇左青咖喱。沾麵一卷卷咁上，沾上香辣鮮甜嘅青咖喱，再配搭酸菜、芽菜，味道有層次。泰式燒雞（半隻$108）冇諗過半隻都咁大份！好抵食！燒雞皮脆肉嫩，泰式醬汁係重點！芒果糯米飯($78)芒果香甜多汁，配搭軟嫩嘅糯米飯，簡單嘅美味。