泰沾麵

营业中

休息中

尖東精緻高CP值泰菜🤍-👀沒有立場資訊-🍲招牌船河 ($128)大大碗又足料🫡佢哋嘅河粉偏幼身，裏面嘅肉丸充滿肉香，而且口感彈牙，湯底夠濃同埋夠厚，唔錯🫶🏻🍜招牌泰式沾麵 ($108)泰式沾麵真係唔多地方有得食，所以小編即刻叫咗嚟試吓👀有兩種口味，分別係青咖喱同埋紅咖喱，紅咖喱會比較辣，而青咖喱就比較香😋裏面除咗會有肉之餘仲有魚蛋，而且有豬紅，兩款咖喱汁都好濃，味道亦都好有層次，幾推介大家試下🥰🥘雞肉鑊氣炒河 ($98)食落幾有驚喜，河粉嘅質地唔會太淋，食落亦都唔會太油，配上辣醬食好開胃🫡而且有好多蛋，另外亦都有子薑同埋菜作為配料，話咁快就食晒成碟🤣🌶️招牌ASURA梳打($48)呢杯嘅味道一樣好有驚喜，從來都冇試過喺出面飲到🤓裏面主要有薑同埋香茅，飲落好有層次，不過味道微辣，感覺幾清新幾特別😚🍋泰式檸茶 ($38)味道微酸，甜度適中，茶底夠濃👍🏼餐廳嘅裝修好精緻，尤其係佢哋嘅特色牆，真係用marker人手畫上去，打卡一流🤩食物嘅味道都好正宗，而且價錢合理，佢哋試業期間更加有八折優惠，小編同朋友食到超級飽都係人均一百幾，幾推介大家去試吓😉味道 9/10服務 9/10環境 9/10回頭率9