Awesome Bar & Cafe

营业中

休息中

尖東AWESOME Bar & Cafe系一間Bearbrick 玩具打卡西餐廳，由入門口開始就有勁多唔同造型的Bearbrick展示可供打卡影相。餐廳裝修簡約配合玻璃窗透入黎嘅陽光，光線柔和，環境舒適。烤雞牛油果香芒沙律色彩繽紛，雞肉嫩滑，搭配清新的牛油果和香甜的芒果，口感層次豐富。德國香腸拼盤配酸椰菜熱辣辣鐵板呈上，三款口味香腸拼盤，各有風味，食得出豬肉同雞肉味腸，配搭酸椰菜，酸酸咪咪好開胃。香辣蕃茄柚子牛柳意大利粉帶有微辣的風味，牛柳鮮嫩，意大利粉軟硬適中十分掛汁。波士頓龍蝦燉飯呢個係必食推薦！賣相超好，龍蝦高質，肉質Q彈鮮甜，燉飯入味，份量非常足夠！芒果拿破崙層次分明，酥脆的外皮包裹著香甜的芒果奶油。提拉米蘇倒入熱咖啡，即刻溶化奶油，令口感絲滑。充滿濃郁咖啡味。蜜桃青蘋果冰茶同香橙茉莉冰茶清爽解渴，賣相勁靚，好適合打卡。