韓珍 (帝國中心) (已結業)

今次去到位於尖東帝國中心嘅韓珍韓式餐廳食午餐， 坐低後先送上兩杯麥茶， 然後我哋就點咗兩個午餐set。呢兩個午餐set一個喺調味排骨，而另一個係燒牛肉。 兩個set 都可跟一個湯 ，可以選擇牛腩肉大醬湯或者純豆腐辣湯 。點餐之後就送上四小碟前菜， 有大豆芽菜、泡菜、薯仔沙律及腐皮卷，味道當然好食。燒牛肉set 有生菜可以包牛肉食，豆腐辣湯入面有蜆肉， 但可惜有沙。 湯嘅辣度對於我喺剛剛好，又唔係太辣。調味排骨即是燒牛肋骨用上湯餚製， 足料又大件， 肉質很淋又入味。兩份set都好大份，食到好滿足。