嘆炭燒 (新文華中心) (已結業)

看電影前，去咗尖東附近嘅一間串燒店食嘢。 未入去已經好有新年氣氛，全間店紅卜卜。 入到去有埋霓虹燈管同掛住紅燈籠🏮，好友中國氣息。座位細舖嚟講算坐得舒服，而且好乾淨，餐廳員工好熱情。牛舌豬、頸頸肉、雞肉串店主會將串燒在廚房內燒好後，再攞出嚟放喺個鐵爐上面用蠟燭熱住。 等啲串燒唔好凍晒，keep 住個溫度。 牛舌有分牛舌前同牛舌後邊，食落去好淋身，好有牛舌味。豬頸肉烤到外面脆內軟，有豬油出來。 雞肉串好爽口彈牙，肉質好鮮嫩。蒜蓉生蠔非常大隻嘅生蠔，上面鋪滿蔥同蒜蓉粒非常之香，同夠熱辣辣。蠔煮到啱啱好半生熟，咬落有爆開嘅口感，好好味👍🏻酸辣無骨鳳爪泰式style酸酸甜甜鳳爪，冇骨。食落鳳爪質地好爽口，夠凍。牛油粟米店主專登將成條粟米切開兩場片，方便揸住嚟食粟米粒。粟米烤到剛剛好，唔會烤到粟米汁乾晒，咬落仲有汁。蒜蓉娃娃菜娃娃菜吸收晒蒜蓉嘅味道，非常之香，煮到剛剛好，唔會太過老。