肚餓了串燒烤焗專門店 (已結業)

肥雞上星期特登去試下呢間手工串燒， 聽朋友講佢嘅食物質素唔錯而且種類都多。 首先講下環境先，鋪頭嘅抽風效果幾好，食完之後肥仔同朋友成身都冇乜串燒味， 而且食物種類涵括咗豬牛羊海鮮蔬菜，真係諗到嘅都有， 選擇幾多啱曬肥雞啲三心兩意嘅人。嗌咗個蟹子芝士玉子燒，所有嘢都即叫即煮， 熱食嘅話仲有拉絲嘅效果， 味道唔錯。肥雞嗌咗燒雞腎，羊肉，大蔥雞肉，大葱五花腩，燒茄子， 安格斯牛肉粒， 芝士燒蠔 同埋黑松露薯條。要讚一讚就去嘅燒茄子， 佢上面鋪滿咗香香嘅肉碎， 茄子燒到非常的juicy， 味道已經非常之夠， 唔需要再加其他調味料。佢嘅大蔥蘋五花腩都好正， 大蔥嘅香甜中和咗五花肉嘅油膩 。 飲品仲有加多寶適合一啲想食熱氣嘢又驚上火嘅人。