鮨瀛海 (已結業)

鮨瀛海係一間高質外賣壽司店，之前已經幫趁過一次，是晚又喺附近上完堂，心思思又黎幫趁。平時食外賣壽司店俾人感覺都係得個平字，對質素都唔可以有咩要求，但哩度嘅壽司手卷全部都係用日本產嘅米，魚生都係日本飛機貨，而且全部都係即叫後面嘅壽父即造，保證新鮮。佢地嘅刺身壽司都超多款，連平時只有中高檔嘅日本餐館先食倒嘅款式都有，好似太刀魚、鮟鱇魚肝、真鯛、依佐目......哩啲都係平時外賣壽司店冇乜見倒嘅。鮨瀛海除左散叫壽司刺身之外，佢地仲有沙律、小食、海鮮丼、定食同廚師發辦嘅壽司set。店打pack好外賣入保凍袋後，仲會好細心問食客大約要幾耐時間返到返去，會放返適量嘅冰種入袋入面。廚師發辦壽司八貫($148) - 壽司款式會根據時令稍有不同，全部魚生都帶有光澤，完全將下面嘅壽司餅覆蓋。我最鍾意左口魚邊，因為魚油非常豐富，有入口即溶嘅感覺，鮓鯖魚食落帶啲鮓酸味都唔錯，醃漬過嘅鯖魚亦令魚腥味大減，炭烤鰹魚口感就比較有咬口，而油甘魚同深海池魚都非常油潤。香蔥吞拿魚蓉手卷($30) - 哩個手卷用左唔同部位嘅吞拿魚，所以無論油潤度同口感都啱啱好，鍾意濃味啲嘅食之前可以加少少醬油。總結，定價雖然比其他外賣壽司