影片
更多
2010-04-08
1 浏览
一路以來要食越式pho河粉，只識去銅鑼灣X萍，但一過江，就即刻無晒心水。復活節假期貪新鮮去行吓新開嘅i-square，商舖方面我就無甚驚喜，但竟然俾我發現三樓有間叫Pho24的越南餐廳，本著姑且一試的心態，即管睇吓佢得唔得。餐廳面積唔算好大，裝修亦偏向簡約但舒服，唔似一D扮正宗而整色整水的食肆。我大約6點到去到，reception姐姐好有禮貌咁叫我們一行5人等一等，而好快就有位坐。不過就坐唔到window seat.基本上一般越式食品選擇都一應俱備，但由於係第一次食嘅關係，所以我地都決定叫一D穩陣嘅食物，例如柚子鮮蝦豬肉沙律、牛肉河粉、香芽豬扒同牛油雞翼、咖哩牛腩等，飲品則叫咗青檸梳打同三色冰。食物隨即陸續端上，賣相絕對唔差。沙律口味清新，而蝦肉大隻兼很新鮮，絕無欺場。牛肉粉的湯底味道則恰到好處 (因為我很喜歡飲湯底)，不像有些地方狂加味精，令湯底超咸。雞翼和豬扒都過關，個個食得津津有味。咖喱牛腩雖然portion不是很大，但牛腩明顯採用上乘貨式，致令肉質不是又乾又「鞋」。我幾個有甜品胃嘅朋友雖然很飽但都叫了「越式椰汁芋頭糯米泥」及「拉椰葉拉椰糕」。我雖然只是「痴」吃了兩口，不過味道真
餐廳面積唔算好大，裝修亦偏向簡約但舒服，唔似一D扮正宗而整色整水的食肆。我大約6點到去到，reception姐姐好有禮貌咁叫我們一行5人等一等，而好快就有位坐。不過就坐唔到window seat.
基本上一般越式食品選擇都一應俱備，但由於係第一次食嘅關係，所以我地都決定叫一D穩陣嘅食物，例如柚子鮮蝦豬肉沙律、牛肉河粉、香芽豬扒同牛油雞翼、咖哩牛腩等，飲品則叫咗青檸梳打同三色冰。食物隨即陸續端上，賣相絕對唔差。沙律口味清新，而蝦肉大隻兼很新鮮，絕無欺場。牛肉粉的湯底味道則恰到好處 (因為我很喜歡飲湯底)，不像有些地方狂加味精，令湯底超咸。雞翼和豬扒都過關，個個食得津津有味。咖喱牛腩雖然portion不是很大，但牛腩明顯採用上乘貨式，致令肉質不是又乾又「鞋」。
我幾個有甜品胃嘅朋友雖然很飽但都叫了「越式椰汁芋頭糯米泥」及「拉椰葉拉椰糕」。我雖然只是「痴」吃了兩口，不過味道真的不錯，希望下次預留位置真真正正吃罷整份。
臨走時才發現餐廳有「間房」設施，我諗如果湊夠人數，是可以有間private room的。
张贴
