聚點 (已結業)

一出尖東站行多幾步就到，位於K11對面，非常就腳，成日係呢頭附近食野經過「聚點」，今晚一行三人黎開餐。🥢油皇乾煎海虎大蝦 $128虎蝦夠哂大隻，外脆充滿豉油香，豉油既味道能提鮮，內裡蝦肉爽脆鮮甜。🥢聚香雞（例）$88例牌份量都幾多，仲有三種唔同口味既醬汁，有沙薑醬、薑蔥蓉、口水醬。口水醬麻香味重，相對較惹味。🥢椒鹽鮮魷 $88炸至酥香又咸香，內裡彈牙，令人食指大動。🥢醬爆茄子斑腩煲 $88以砂鍋盛載保持熱辣辣，茄子非常惹味，不過斑腩索哂D汁，有點過咸。🥄栗米魚肚羮 $88加左魚肚，口感豐富，滑爽稠黏，既開胃又含有豐富膠原蛋白，清淡得黎又夠滋味，。🥢蒜炒時菜 $68 我地簡左炒生菜，充滿蒜香味，好快清哂。