影片
更多
2018-02-21
253 浏览
以前小編都有幫襯過何文田嗰間總店，不過質素真係超級差，去試真係只係為咗啲珍珠。但佢而家係尖沙咀亦都開咗鋪，除咗地理位置比較方便之外，估唔到飲品嘅質素都有進步（可能佢都知以前自己啲嘢到底有幾難飲😂）仲記得以前叫少甜都仲係超級甜真係好無奈。因為新店嘅開幕，所以都有新Menu，多咗兩款新口味嘅珍珠，不過小編之前超級想試嘅抹茶珍珠就已經唔見咗。雖然小編今次就一次過介紹咗四隻唔同口味嘅珍珠，不過小編留意到其實佢哋每一round大概只會有三隻珍珠到，所以有機會要行多幾次先可以試到唔同口味嘅珍珠。1️⃣黑糖珍珠撞鮮奶自從鹿角巷嘅黑糖鹿丸鮮奶買到成行成市之後有唔少嘅台式飲品舖都跟住出，就連丸·茶亦都唔例外。首先呢杯嘢飲一樣都係固定糖，因為飲品嘅味道主要都係尼至個黑糖珍珠，所以甜度一早就已經set死咗😊雖然嘢飲嘅用料其實都係差唔多，不過總係覺得唔夠鹿角巷嘅黑糖鹿丸鮮奶好飲。個人覺得呢度嘅鮮奶入口比較脪身，但奶味都係足夠嘅。而黑糖珍珠方面亦都唔及鹿丸咁煙un，另外隻黑糖得個甜字唔係好夠香。但係呢杯野飲飲得多仍然都係會覺得有少少膩。雖然講到佢乜都唔夠人哋好，但小編覺得有時口痕經過尖沙咀又唔想去排成個鐘嘅話都可以
因為新店嘅開幕，所以都有新Menu，多咗兩款新口味嘅珍珠，不過小編之前超級想試嘅抹茶珍珠就已經唔見咗。
雖然小編今次就一次過介紹咗四隻唔同口味嘅珍珠，不過小編留意到其實佢哋每一round大概只會有三隻珍珠到，所以有機會要行多幾次先可以試到唔同口味嘅珍珠。
黑糖珍珠撞鮮奶
$28
14 浏览
1 赞好
0 留言
1️⃣黑糖珍珠撞鮮奶
自從鹿角巷嘅黑糖鹿丸鮮奶買到成行成市之後有唔少嘅台式飲品舖都跟住出，就連丸·茶亦都唔例外。
首先呢杯嘢飲一樣都係固定糖，因為飲品嘅味道主要都係尼至個黑糖珍珠，所以甜度一早就已經set死咗😊
雖然嘢飲嘅用料其實都係差唔多，不過總係覺得唔夠鹿角巷嘅黑糖鹿丸鮮奶好飲。個人覺得呢度嘅鮮奶入口比較脪身，但奶味都係足夠嘅。而黑糖珍珠方面亦都唔及鹿丸咁煙un，另外隻黑糖得個甜字唔係好夠香。但係呢杯野飲飲得多仍然都係會覺得有少少膩。
雖然講到佢乜都唔夠人哋好，但小編覺得有時口痕經過尖沙咀又唔想去排成個鐘嘅話都可以試吓呢個，畢竟10分鐘左右就可以飲到（非繁忙時間），好過走去排成個鐘啦！
薰衣草奶綠配櫻花珍珠
$28
13 浏览
0 赞好
0 留言
2️⃣薰衣草奶綠配櫻花珍珠［少甜］
不論係薰衣草奶綠定係櫻花珍珠都係丸·茶新出嘅，小編覺得其實花味產品加花味產品反而會更加夾更好飲。
相信大家都知道小編對於花味產品嘅接受程度真係超級高，所以飲品入口其實個人覺得都算幾好味。不過其實小編都好怕薰衣草嘅味道，因為有時重手左隻味真係麻麻地同埋好容易蓋過咗其他嘅味道。不過個人就覺得今次丸·茶呢個薰衣草奶綠做得唔錯，薰衣草味屬於比較清幽，簡單啲來講係杯嘢飲裏面落咗一條薰衣草嗰隻味，可想言之其實嗰隻薰衣草味真係唔算話太重。而且入口仲有淡淡的奶味。
而配上櫻花珍珠亦都唔會話食唔到櫻花味，櫻花味就同森永好耐之前出過一隻櫻花糖嘅味道差唔多，但肯定呢隻櫻花味唔係最難食嗰隻。不過呢隻珍珠嘅造型同埋口感就相對比其他差少少，珍珠嘅形狀比較似係一粒撳扁左嘅珍珠，食落有少少似粉團咁樣唔夠煙un，而且飲個陣有少少塞住支飲管，但有可能係因為新口味珍珠嘅關係所以質素有少少偏差，希望遲啲會有改進。
茉香奶綠配桂花珍珠
$22
38 浏览
0 赞好
0 留言
3️⃣茉香奶綠配桂花珍珠［少甜］
小編覺得呢個配搭其實都幾夾，大家都可以參考吓。因為茉莉花同桂花嘅香味都屬於比較清新嘅類型，如果配啲重口味嘅茶底嘅話，可能桂花味就冇咁突出啦！
茉香奶綠嘅茉莉花茶味都算幾香而且幾突出，飲品亦不乏奶味，所以整體茶底嘅味道小編覺得都還可以。但係唔知點解飲品最後個三分一入口帶有少許苦澀味😂唔知係咪因為啲茶沉晒底？
至於桂花珍珠同之前係總店試到嘅質素都差唔多。只係唔再好似以前咁，珍珠裏面有一朵朵桂花係到，但桂花味既分別就唔大。而口感亦都係一樣咁煙un。
皇室奶茶配芒果寒天珍珠
$22
31 浏览
0 赞好
0 留言
4️⃣皇室奶茶配芒果寒天珍珠［少甜］
小編試完呢一個配搭之後覺得芒果寒天珍珠無論配咩嘢只要有奶既成份都會變成一個敗筆。
首先個奶茶底方面，依舊都係茶味同奶味比較淡，確實有少少失望，期望之後會有改善。
至於點解小編話芒果寒天珍珠係一個敗筆，原因係因為芒果醬加埋鮮奶隻味好似芒果布丁咁，令原本已經冇咩味嘅茶底更加飲唔出有味。而芒果寒天珍珠出到嚟原來同小編想像中既亦都有啲分別，小編本身以為係芒果味嘅珍珠再加一條條嘅寒天喺度，但原來事實係珍珠形狀嘅芒果味寒天至岩😂個名其實真係幾令人誤會下，至於寒天個口感同平時食到既都冇咩太大分別，所以小編亦都唔係太建議大家去試，無謂浪費左本身個奶茶底😔
张贴
