金牌小龍 (已結業)

今日過左isquare 食金牌小龍食小籠包。金牌小籠店內裝潢望落其實似一間cafe 多過上海菜！食物款式非常多，而且價格都相宜。凍檸賓 $15清爽唔太甜,解膩一流。排骨湯麵 $52整塊排骨炸得香口唔油膩，唯陽春面較為清淡。金牌小籠包 $42/5隻小籠包size 較精緻，湯汁飽滿。算係合格嘅小籠包。甜不辣 $38食落QQ煙韌有魚味。台式蛋豆腐 $32皮蛋有溏心，甜甜肉鬆配咸咸辣辣醬油膏調味很清爽。酥炸黃花魚 $62 可以逐條叫，炸得酥脆。水煮牛肉 $78牛肉份量都幾多，仲有超多粉絲同豆芽。不過都算幾辣。食完埋單飽飽唔洗$400