海洋皇宮大酒樓(clsoed) (已結業)

『臨摺前都幫趁下』話時話，雖然這裡好近公司，但都好少去。見聽到呢到話就摺，都黎幫趁下啦。一行三個人，叫了四碟點心，有蝦餃、燒賣等，另再加多兩碟菜，分別是叉燒併油雞，同涼瓜炒牛肉。點心大大碟，蝦餃燒賣等的餡料亦沒有偷功減料，食落唔錯，以酒樓來講算是唔錯了。另外反而想讚下個叉燒，蜜汁加上燒得剛好的叉燒，真係想馬上再來一個叉燒飯先掂。涼瓜不太苦，容易入口，牛肉亦煮得腍腍入味。酒樓開左三十幾年，真係第一次在大禮堂果邊食飯，在香港能有這麼大的酒樓，充滿本地色彩，但都難逃被淘汰的一面，實屬可惜。