三哥廚房擔擔麵菜飯專門店

营业中

休息中

平時比較少會來這邊搵嘢食，咁啱今日要去快遞公司取件，行咗一圈見這食店好光鮮，白雪雪歐陸風格佈置，感覺好舒服，見時間尚早不用等位，就入去試下啦！＂上海招牌上海粗炒＂好大碟粗炒，麵質有質感，又好多菜，即炒熱騰騰，唔算太油膩，少鹹，感覺係健康D咁。＂酸辣湯年糕＂好耐無食過，見到隔離枱叫咗，所以好想食，這家餐廳煮得唔錯，酸辣湯夠酸夠辣唔太鹹，仲好多材料，湯底唔會太(傑)身；年糕好煙韌，雖然會好飽肚，但也忍不住食多了，哈哈！＂冰豆漿＂相信全間餐廳都係走健康路線，連豆漿都係少甜，好滑，有豆香味，清清地好好飲。