影片
更多
2019-08-24
832 浏览
今日拍拖拍到去灣仔，行過見到呢間似乎係四川菜嘅小店，見佢價錢唔貴，所以入去試下。入到去先知原來係街坊飯堂，因為老闆好似個個都識咁，每一個入嚟都會打下招呼吹下水，當然老闆都好關心我地呢對生保人，係咁同我地介紹佢地有咩食，一路食仲一路問我地好唔好食，岩唔岩口味。原來佢地兩公婆開呢間舖，只係開左兩個月，因為舖頭得佢地兩個人，所以所有嘢都係即叫即整，保證新鮮熱辣。今日我地嗌左個雞煲二人餐，有半隻麻辣雞煲，一份菜籃，一碟薯粉，一碟丸同一碟安格斯雪花肥牛，好似唔係好多，但真係好飽，因為佢每一碟都好大份。雞煲係老闆即時整，煮緊嘅時候已經聞到好香，因為嗌左小辣，所以味道岩岩好，而啲雞都好滑，好夠味。食完雞煲就打邊爐，老闆會幫你加自己熬製嘅豬骨濃湯，而唔係普通加水就算，所以食到尾都係好夠味。所以個薯粉最後都好吸味，好好食。然後吸引嘅係呢碟安格斯牛，真係好大碟，淥極都有，就算淥耐左都仲好軟腍。然後佢有碟丸，有牛豬墨魚三種，三種都係好爽口彈牙。而菜方面就有生菜菜心金菇，啲菜都好新鮮好甜。整體嚟講，呢度係良心小店，份量足又新鮮，最重要係食到第度食唔到嘅人情味，老闆可以同個個客都好好傾，可以多個地方同人寒暄嘅小
入到去先知原來係街坊飯堂，因為老闆好似個個都識咁，每一個入嚟都會打下招呼吹下水，當然老闆都好關心我地呢對生保人，係咁同我地介紹佢地有咩食，一路食仲一路問我地好唔好食，岩唔岩口味。原來佢地兩公婆開呢間舖，只係開左兩個月，因為舖頭得佢地兩個人，所以所有嘢都係即叫即整，保證新鮮熱辣。
今日我地嗌左個雞煲二人餐，有半隻麻辣雞煲，一份菜籃，一碟薯粉，一碟丸同一碟安格斯雪花肥牛，好似唔係好多，但真係好飽，因為佢每一碟都好大份。
雞煲係老闆即時整，煮緊嘅時候已經聞到好香，因為嗌左小辣，所以味道岩岩好，而啲雞都好滑，好夠味。
食完雞煲就打邊爐，老闆會幫你加自己熬製嘅豬骨濃湯，而唔係普通加水就算，所以食到尾都係好夠味。所以個薯粉最後都好吸味，好好食。
然後吸引嘅係呢碟安格斯牛，真係好大碟，淥極都有，就算淥耐左都仲好軟腍。
然後佢有碟丸，有牛豬墨魚三種，三種都係好爽口彈牙。
而菜方面就有生菜菜心金菇，啲菜都好新鮮好甜。
整體嚟講，呢度係良心小店，份量足又新鮮，最重要係食到第度食唔到嘅人情味，老闆可以同個個客都好好傾，可以多個地方同人寒暄嘅小店，喺呢個時代已經少之又少。而食到咁飽嘅二人餐都只係399，真係性價比好高。
另外我發現其他客都係嗌椰子雞，因為原來佢地係用新鮮椰子，椰肉仲要俾你自己不落去，老闆話咁樣係要俾人知佢地係真材實料喎😂我冇份食都聞到人地啲椰子湯好清甜，下次有機會再嚟真係要試試佢。
张贴
