鉄人大盛 (已結業)

前幾日同朋友嚟到尖沙咀特登去試吓呢間鐵板燒放題，見返OpenRice好多人去食！我哋一行二人， 一坐低就每人一隻蝦刺身！Size超大，食落去鮮甜，合格！當然亦都會叫返個放題必備嘅刺身拼盤！帶子刺身-比一般放題豪爽帶子，比較大片！三文魚刺身及三文魚腩刺身-三文魚腩刺身係放題中比較少見，多數只提供三文魚刺身！三文魚腩都切得好大塊，無咩雪水味，無解凍不足嘅問題出現！榮螺片-入口爽口索索聲，唔錯！呢個牛舌值得一提，刀工幾好非常薄，食落去爽口又唔會太un,唔會似咬橡筋咁！調味亦都好簡單但食落去好能夠帶出牛舌本身嘅味道！牛油帶子，帶子帶有濃濃嘅牛油香，牛油份量非常足成隻帶子比牛油香包住！ 黑松露魚扒-魚扒食落就知係龍利柳，配上香濃黑松露醬，好難唔好食！炒雜菜-呢個炒雜菜有啲誠意，有洋蔥、甘筍絲、洋蔥片，冬菇片，仲有椰菜，好易入口，唔會因爲係菜而太清難食！甜品方面冇其他放題咁多選擇但係就有哈根大師任攞，一共有六隻味，分別係朱古力、咖啡、雲呢拿、士多啤梨、香蕉、曲奇！任君選擇！！！