正宗山西刀削麵皇

营业中

休息中

之前試過荃灣另一間刀削麵，質素麻麻...今次見到呢間以為係同一老闆，食過之後就知唔係，難怪繁忙時間成日都要排長龍。餐牌入面有幾大類，如果唔食得辣就叫普通車仔麵餸，淨係食佢碗高質刀削麵已值回票價，彈牙有口感，唔似得一般連鎖店刀削麵軟身兼易斷；呢度一個餐$42-$45有埋杯豆漿算唔錯。至於麻辣控應該有更多選擇，除咗10+款麻辣餸外，亦有手撕雞、口水雞等等，麻辣餸另上亦令辣味得以保持；上面鋪上厚厚辣油+蒜粒好惹味，配上熱辣辣刀削麵係好吸引！因為成日比較多人排隊，要搭枱坐，而且食完就要走，只啱快食一族。