象屋泰國餐廳 (已結業)

今日去咗呢度食泰國嘢 一入到去就覺得佢幾有情調 我哋就坐緊窗口位 可以望到出邊嘅景色 我覺得都幾靚 都幾適合情侶又或者一家人嚟呢度食飯。我哋頭盤就叫咗大蝦冬陰公湯 我覺得佢啲器皿都好靚 好有心思 而佢有好大隻蝦 亦都好新鮮 佢唔算好辣 所以就算唔食得辣嘅朋友都可以試吓 跟住我哋就叫咗個船麵 佢個湯底係非常之濃郁 以牛肉亦都好嫩滑 我覺得係必叫嘅 我都幾推介 另外我哋再叫咗個生菜包 佢嘅份量都幾大一碟有四個 佢啲肉碎佢好多汁 啲汁流晒出嚟好正㗎 最後梗係有叫菜啦 佢個辣椒蝦醬炒通菜好惹味又好大碟 雖然佢話有辣椒但係我覺得一啲都唔辣㗎 所以我都好推介㗎