柳園菜館 (已結業)

我其實講真之前連柳州係甚麼地方都無聽過，有次同食開素嘅同事lunch hour路過，見到午市餐牌素嘅小菜多，就試一試結果佢地嘅素小菜非常清甜鮮味，好到簡直唔似食素！特別係唔會犯上時下大部分香港中式餐廳無菜味無肉味得個油味嚇死人嘅問題，連湯都唔會太鹹唔會清水灣，今時今日在香港也可算世間少有，於是自此柳園就變成小弟每日中午嘅固定飯堂。而且午市餐平嘅48貴嘅52又唔會斬水準，可謂佛心之極，不似意x屋之流。今日順便和朋友食晚餐，使順便也試了其他菜，特別想提個醉貴妃雞，上灑了桂花，酒香清甜不會澀，可能小弟食得醉雞少，不過呢個都可算係我食過最正嘅醉雞