Linguini Fini (已結業)

臨急臨忙相約一班舊同事食晚飯， 記得之前都睇過呢間既食評唔錯而且個大pizza岩晒一班人食，好！ 就一於book枱食飯啦！八點零去到都坐滿人，大部分都係外國人，soho 區不嬲都唔係陀地覓食地方首選黎😂😂叫左魷魚圈，海鮮意粉同埋half half pizza, 四個人分岩岩好，魷魚圈好食，夠脆夠香，加左檸檬汁食落好惹味，期待既意粉相對失色，因為呢間餐廳既signature 就係手打意粉，可惜冇特別之餘又太咸，海鮮亦都唔似新鮮到個pizza 一上真係即刻相機食先呀，好大個好大個好大個，重要既野係要講三次，留意得兩個人去真係唔建議叫呀！味道中規中距啦⋯⋯最尾叫左個甜品，係一個好大塊既cookie, 係個waitress 推薦我地食既，Ok架唔錯，唔會太甜份量岩岩好...值得一提係服務幾好，每一樣野上菜都會問我地好唔好食，主動換碟收碟加水值得一讚