影片
更多
2016-11-14
1001 浏览
秋風起，又係時候去野餐。呢日選擇左去添馬公園野餐，去之前就去近近地既中信大廈買多少少野食作準備。一直都有打算買個蛋糕去野餐，但坊間連鎖店既蛋糕都頗大個，怕三個人食唔曬，而且價錢一般要$200以上，所以都唔太實惠。但咁岩，比我地經過Express Bar By Lassana，見到有個賣相好精緻既蛋糕，價錢亦合理，滿足到我地既願望！！伯爵茶慕絲蛋糕 ($98)蛋糕裝飾有兩朵粉色的小雛菊，外面一粒粒好似黑珍珠既係黑朱古力cream，外表簡單樸素而不失優雅，滿有少女風。咁岩係去野餐，小雛菊裝飾襯曬綠油油的草地，朋友們都係咁影相！蛋糕的外層係伯爵茶慕絲，伯爵茶呢個味道都幾特別，因為一般茶味蛋糕除左抺茶焙茶，平日好少見到有伯爵茶味。個慕絲打得夠挺身，唔會有好多空氣，而且帶有淡淡的伯爵茶味。而蛋糕內裏係海綿蛋糕夾住冰狀的吉士，清清地都ok，因為同外層既慕絲食就岩岩好夠甜。Iced Mocha ($42)臨走前聞到咖啡香，所以順便買多杯mocha。朱古力同咖啡既味道好平衡，兩種味道都好香，而且都幾滑。行到去添馬公園已經飲左幾啖！行到索哂氣，凍既飲品特別解渴。臨走前見到個櫃有好多款潛艇，個龍蝦包好似好
一直都有打算買個蛋糕去野餐，但坊間連鎖店既蛋糕都頗大個，怕三個人食唔曬，而且價錢一般要$200以上，所以都唔太實惠。但咁岩，比我地經過Express Bar By Lassana，見到有個賣相好精緻既蛋糕，價錢亦合理，滿足到我地既願望！！
伯爵茶慕絲蛋糕 ($98)蛋糕裝飾有兩朵粉色的小雛菊，外面一粒粒好似黑珍珠既係黑朱古力cream，外表簡單樸素而不失優雅，滿有少女風。咁岩係去野餐，小雛菊裝飾襯曬綠油油的草地，朋友們都係咁影相！蛋糕的外層係伯爵茶慕絲，伯爵茶呢個味道都幾特別，因為一般茶味蛋糕除左抺茶焙茶，平日好少見到有伯爵茶味。個慕絲打得夠挺身，唔會有好多空氣，而且帶有淡淡的伯爵茶味。而蛋糕內裏係海綿蛋糕夾住冰狀的吉士，清清地都ok，因為同外層既慕絲食就岩岩好夠甜。
Iced Mocha ($42)臨走前聞到咖啡香，所以順便買多杯mocha。朱古力同咖啡既味道好平衡，兩種味道都好香，而且都幾滑。
行到去添馬公園已經飲左幾啖！行到索哂氣，凍既飲品特別解渴。
臨走前見到個櫃有好多款潛艇，個龍蝦包好似好吸引，可惜一早已經買好曬野餐既食物，下次有機會的話買黎試下。
张贴
