Camellia (已結業)

相約閏蜜傾計，又想影相放ig，我地想book Camellia 好耐，成日都話full booking。 終於，星期一4:00有位，限時90分鐘，我地3:30就去到，好在佢話可以早入，照當番時間90分鐘。入到去已被餐廳的環境吸引我，好粉紅，好少女。 坐到入去，店員俾左一個大menu，入邊有3個tea set 選擇，我地就選左個tea table 的那個set,入邊包兩杯飲品。味道方面，我比較鍾意食上層的甜品，有個玫瑰型的cake，入邊有玫瑰及是多啤梨果醬，我及閏蜜都覺得超好味。仲有一個係小型的apple crumble,又係超好味，脆脆的又不會太甜。飲品方面，我叫左杯甘菊花菜，閏蜜叫左杯green tea latte，我地都係比較鍾意飲熱飲，始終女孩子都要多飲暖/熱的飲品。 服務方面，店內的職員都好友善，會幫客人用不同角度影相📸️。總結：餐廳可以有不同的地方打卡，亦是與閏蜜傾計聚會的好去處，食完後又可以行下K11musea 又可以行Victoria Harbour Dockside。下午茶方面，份量剛剛好，味道又好味，推薦喜歡粉紅的少女們去試吓。