就是偏偏喜歡你 (已搬遷) 新店位置

就是偏偏喜歡你 - 夢幻粉紅系銅鑼灣樓上餐廳📍銅鑼灣耀華街3號百樂中心16樓百樂中心一向都有好多餐廳，今日試下一間充滿少女心，以粉紅色為主題嘅Cafe，可以食又可以影相打卡。食物🍲我地叫左一個四菜套餐($288)，包湯+ 沙律+主菜＋甜品＋飲品($28以上飲品需補差價)，整體來講好味又抵食:- 湯: 揀左黒松露野菌湯，好creamy；- 主菜: 叫左拿破侖蕃茄海蝦意粉，份量適中，海蝦爽口彈牙；- 甜品：指定甜品係「招牌粉紅甜心心」，原來係兩片薄waffle配雲尼拿雪糕，作為最後一道菜好滿足；- 飲品：呢度咖啡嘅選擇唔多，想要少少caffeine提神，就叫左綠茶拿鐵，唔會太甜，有少少抹茶嘅甘味。另外加左 日本南瓜薯餅 做小吃，即整熱辣辣，好脆口，有南瓜粒又有咬口😋環境 🏙️餐廳環境乾淨，枱同枱之間不會距講太近，啱晒一班朋友傾計。餐廳有好多打卡位，仲提供不同影相道具。最特別嘅係有一隻兔兔，好肥好大隻，有時會走出嚟散步，大家可以遠距離咁影佢，但未問過店員就唔好摸佢，因為佢會驚架。值得一提嘅係，洗手間環境好乾淨，好欣賞佢免費提供女性衛生用品，非常貼心。服務👩‍🍳店員非常友善，會主動問需唔需要幫手