陸羽茶室

营业中

休息中

這裡的杏汁白肺湯最出名，味道一流，不可不試。平日都可以叫，如果預訂，可叫燉湯，味道稍清，但一樣好味，是少數不加味精入湯和食物的食肆。中午多叫點心，而這兒的甜品比鹹點更優勝，有很多外面吃不到的甜品都有，而且做得精，有蒸的、炸的和煎的，有十數款之多，數不勝數，有紅豆糕、芝蔴卷(菲林)，就連普通的馬蹄榚也比別處香滑，梘水蓮蓉糉更是很多人的至愛。這裡大半的點心每星期替換一次，鹹點最特別是灌湯餃，唔係浸入湯嗰種，係一口咬下有湯流出嗰種，材料足，味道好，別處好難有得食；而且夾上來不會破爛。可惜屬轉款點心，想試就睇好唔好彩啦！