美味小鮮肉 (已結業)

位於女人街嘅呢間美味小鮮肉，主打火鍋，今次去食左個簡單的粉面午餐。餐廳全日都提供一人一鍋，睇餐牌都見到好豐富，但由於中午食飯時間有限，唯有食碗粉面就算。粉面可以散叫，或者跟套餐，又或者常餐。套餐選擇較多，常餐就只有3款，但會跟多一客小食，如果常餐有你鍾意食嘅，其實好抵食。最後叫左佢地自家製牛丸米，跟餐飲，加6蚊轉酸辣湯。呢度嘅牛丸好彈牙，咬落去好爽口，一共有4粒，最意外仲有半隻滷水蛋，酸辣湯辣辣地，有潮洲咸菜粒加辣肉碎，非常好味。