小魚兒 (寶漢大廈) (已結業)

之前成日都聽到話小魚兒好好食，今次終於試到啦😍😍呢間係新開嘅所以裝修好靚😎 入去嘅時候見到枱枱都食緊烤魚我當然都跟大隊去試下啦🤣今次叫咗招牌藤椒味烤魚，佢有好幾款魚可以揀，我哋就揀咗貴少少嘅凌波魚🐟黎到哇一聲🤯條魚超大！！！！三百幾蚊有咁嘅份量真係超值💕 魚肉好嫩滑啖啖肉，再加埋個湯底好夠味口感一流🤤🤤🤤 入面仲有好多配菜包括寬粉，豆花，芽菜。我哋另外仲要咗娃娃菜都好好食好甜。烤魚多到我哋2個人最後都食唔哂😂除咗烤魚我哋仲叫咗辣子雞同辣子肥腸，值得一讚嘅係份量好夠食極都仲有🤣辣味好香好夠味亦唔太咸啱啱好👍肥腸幫我哋去咗啲肥膏，所以唔會話太肥腻，炸粉都唔算多$68超值👍👍 辣子雞可以改善嘅地方係肉可以切大粒啲~而家食落好似食緊炸雞皮😆 (雖然我個人係好鐘意食雞皮) 整體黎講計埋價錢我覺得係超高質👍👍👍會推薦朋友黎！