金東大小廚 (已結業)

同男朋友係附近行完街搵嘢食，聽人講東大街有好多好嘢食，所以就就過咗嚟呢邊周圍睇吓，唔打唔撞就入咗呢間餐廳食啦。服務員態度都幾好好有耐性咁介紹嘢食俾我哋。雖然呢一碟只係得幾舊，但係真係覺得好好食呀每一舊都好珍惜咁食手撕雞都好香口，不過我覺得係偏油左少少炒芥蘭都係我哋好鍾意嘅，最重要係因為佢啲蒜真係好夠令到成碟菜好香！我哋最鍾意食蒜！而最重要最好食就係呢一碟！呢一點就係驚喜所在啦！一路係爐上面，一路整熟佢，一路食，全程都有侍應幫手，話俾我哋知幾時食最好！嗰啲蜆好有肉地而且冇沙最最最最最驚喜係食完晒啲蜆之後，會加米粉！呢個真係好正因為嗰啲米粉會吸晒啲精華！真係食過會好回味㗎不過呢餐其實偏貴，但係都覺得值得嘅