餓媽家姐 (已搬遷) 新店位置

經過呢間小食店，第一樣吸引我嘅係「餓媽家姐」呢個咁特別嘅鋪名。第二樣就係「粉紅色雞翼」，成功激發起我試伏嘅好奇心！🥸🥸 餐廳主打港台日系創新小食，好欣賞小店會自家設計同研發新菜式🫶🏻 ✨BarbiePink衝着雞翼而來！粉紅色醬汁原來係酸甜火龍果醬，醬汁口感清新，不黏膩，少許甜，順口嘅味道，會吸引到我一口接一口😋 而雞翼外皮炸成金黃色，口感酥脆，炸得唔錯。✨XO醬牛肉蛋炒腸粉賣相少少似乾炒牛河嘅感覺，即叫即炒，熱辣辣。腸粉夠滑，吸收晒XO醬汁，食落唔會單調。鑊氣足夠，份量足夠，係我會想再去食嘅腸粉。✨脆炸魷魚鬚份量慷慨，紫菜味香濃，炸得香脆，但相比起前面兩款食物就冇咁大驚喜。