老虎冰室

营业中

休息中

屯門v city 係飲食集中地, 各國美食俱備, 老虎冰室是近期新開嘅茶餐廳, 招牌已經好吸睛, 老虎生動活潑, 地方寬敞, 卡位闊落舒適。正值下午茶時間, 茶餐很多選擇。炸雞髀配薯條外皮炸得香脆, 雞肉仍然軟滑, 薯條也很香脆, 茶餐配埋凍飲又係唔錯嘅選擇。超邪惡西多西多士煎得香口, 多士軟熟, 賣點是餡料充滿雙層花生醬和煉奶, 又做到甜而不膩, 甜滑好味道!芝心蝦多士即叫即做, 熱辣辣非常香口, 每件蝦多士都有一隻蝦, 賣相吸引, 外脆內軟, 流心芝士很美味, 入口充滿酥香, 係一個令人回味嘅小食。老虎蟹避風塘炒麵賣相吸引, 原隻軟殼蟹加上大隻虎蝦, 炸得香脆, 豉油王炒麵爽滑鹹香, 熱辣辣趁熱食最好味。