甜入心 (好運中心) (已結業)

甜入心 今日夜晚終於忙曬啲野，有啲肚餓又想食啲小食，又想食一食甜品慶祝下做曬啲野。而沙田冇乜甜品店揀，所以就黎左呢度，估唔到出乎意外外好食。 黎到呢度，見到呢度地方雖然唔大，但係落足心思佈置，有一種好新鮮嘅感覺。我未去過以前3樓嘅店舖，開張咗咁耐都係第一次黎。今次都係叫左幾種野食 芒果心連心窩夫 有真材實料嘅芒果肉，窩夫係浪漫心形嘅，雪糕同出面食得到嘅芒果雪糕唔同，口感較細滑，食下食下都幾飽肚。 雞翼尖 好開胃嘅涼伴小食，酸酸辣辣再加上蒜味，係咁啜啲骨頭都覺得正！ 雞蛋布丁 好可愛嘅甜品，用雞蛋殻裝住布丁，環保之餘又帶有特色，而且好滑，甜度適中。 益力多沙𣲙 啱曬鐘意飲益力多嘅朋友，平時一枝益力多覺得唔夠，呢杯特飲啖啖益力多，諗翻起細個成日飲益力多，好有童年回憶。