博多拉麵別天神 (已結業)

知道佢係黃店，特登黎幫襯佢。我地叫咗一個豚骨湯麵一個蝦味噌豚骨湯麵，另外加咗個餃子同小龍蝦蟹子沙律。先黎餃子，仲係熱既，煎到少少脆，幾好食。之後既小龍蝦沙律十分開胃，味道唔錯，幾有驚喜！ 但豚骨拉麵十分普通，湯,麵及叉燒都無令人有深刻印象。 蝦味噌湯面頭有d櫻花蝦，賣相唔錯，湯底亦有蝦味，但比較淡，加少少佢既醬油吊一吊味會更香。呢到好處係有幾款自助配料如芽菜等等，可以自己配搭出啱自己既口味，但呢度最大問題係鋪頭十分熱！ 整個店完全無風扇，冷氣，一路食一路滴哂汗，建議要食可以去另一邊既分店。總括而言係不過不失，呢度小食比主菜做得更出色！