嘆杯貓茶 (已結業)

小籠包係迷你細細粒嘅好香口幾好食，細薯角$15都好大份。柯仔煎四粒蠔好大隻，好香好食，推薦。波提煙煙韌韌，叫咗朱古力味幾好食。叫咗杯招牌珍珠奶茶，似茶餐廳奶茶，應該鍾意飲正宗奶茶嘅人先啱。朋友A杯抹茶乳酸好好飲，有抹茶味又唔會太甜。朋友B叫左朱古力Oreo脆脆，朱古力味都幾濃，杯嘢睇落幾靚適合打卡。幫襯完可以拎埋張飛去貓Cafe有優惠，計起嚟都幾抵。Cafe好多貓貓，冇靚裝修但貓靚就ok😂，職員都幾有愛心。