101台式休閒餐廳 (尚德商場) (已結業)

101呢間餐廳都有幾多分店，今次係算一次食，尚德呢間開咗應該有一段長時間。上年經過見都唔多客人，今日大概點半嚟到，門口有客人排隊。餐廳都幾大而且枱排到好密，所以好快就有位。午巿套餐種類幾多，都係簡單嘅台式粉麵飯，味道普通，服務亦一般，價錢可接受。自選台灣涮涮麵(台灣豬骨清湯配花枝丸，沙茶牛肉，鹵水蛋，米線)，味道清淡。慢煮田園鮮茄牛坑腩飯，茄汁好淡，牛腩似牛肋條，炆得都幾淋，可惜唔夠味。咖哩薯仔雞扒拼腸仔飯，，廚房太忙，漏咗條腸仔後補，都可以啦。台灣古早牛肉麵，牛肉可以，麵就一般。追加咗3款小食：鹽酥雞翼，幾脆幾入味。鹽酥花枝丸，好彈牙。芝士香草玉子豆腐，加埋個好味。