Unnie

营业中

休息中

同朋友去銅鑼灣試咗呢間隱世韓式Fusion西餐廳「Unnie」，雖然鋪面唔大，但食物質素真係有驚喜！ 四蒜香辣椒蜆肉意大利粉配軟殼蟹 $138意粉煮得岩岩好，蒜香同辣椒嘅微辣好夾，蜆肉冇沙，最正係上面成隻炸得好脆的軟殼蟹，脆到連殼都可以食埋，撈埋意粉一齊好味。   芝士秘撈薯條 $58粗身薯條炸到外脆內軟，淋上超濃郁芝士粉，就算放耐咗都keep到脆度，推介。韓式蜜糖芥末炸雞翼 $58雞翼炸得外脆內軟，蜜糖芥末醬開胃得嚟又唔會太膩，一份有5隻都幾抵食。 套餐甜品揀左Tiramisu同 芝士蛋糕Tiramisu咖啡味突出，芝士蛋糕綿密creamy，兩款甜度都控制得啱啱好，完美為呢餐作結。整體食物質素高，價錢合理，最啱同朋友share食。