雲香園小鍋米線

营业中

休息中

相信大家都知道尖沙咀有好多嘢食，但係我一直都搵唔到又抵又好食嘅米線！呢排行緊尖沙咀嘅時候終於俾我搵到啦！依一間小鍋米線最平每個米線都只係$32起，超級抵食。每加一個餸最平就要加$7。而且佢除咗小窩米線之外，亦都會有紅薯粉同埋涼拌米線等等，選擇非常多。我就叫左涼拌米線加韮菜，豬頸肉，蘿蔔同雞翼。佢嘅涼拌米線酸酸辣辣都幾好食。然後我仲叫咗一個牛腩小窩米線併炸醬，佢嘅炸醬好豐富，而且已經到咗落個麵度。佢嘅米線煮得啱啱好唔會太硬或者太軟，就已經好入味。再加上佢地湯底新鮮熬煮6小時，所以飲落去都好正。如果下午茶去食嘅話仲可以用$3嘅價錢就加到一杯飲品，好抵飲！特別佢地嘅奶茶好正宗，同茶餐廳奶茶一樣，因為老板仲親身學沖奶茶，每杯奶茶都溝咗幾款茶葉沖製，所以會好正。