榮式燒雞扒 (吳松街) (已結業)

佐敦多好野食係人都知架啦 今次就發現左間小鋪就主打雞排 ｛榮式雞排｝🐤見佢價錢唔貴而且滿哂座咁就試下啦～榮式雞排配芝士撈丁 塊榮式雞排果然係好有特式😍 首先塊雞排比平時見到既薄身啲 咬落就好有炭燒果陣味 塊皮超薄好脆 一啲都唔肥！ 係好有驚喜至於個芝士撈丁就麻麻地啦 芝士汁唔多又唔夠濃味 食食下變左成餅麵咁 另外叫左個鹽酥雞排配稻庭烏冬 想睇下兩排雞排有咩分別 咁呢塊鹽酥雞排相對地厚啲 塊皮都厚啲 多啲肥肉 但比起榮式雞排就juice 啲 多啲肉汁保留左係入面 都唔錯既 至少碗烏冬都係一般 另外佢一個正餐都會跟杯野飲既 我地見凍檸蜜唔洗加錢就叫左～畢竟其他餐廳次次檸蜜都要加錢🙄咁總捨黎講呢間野都雞排真係幾有特式 下次再黎佐敦都會考慮再食 但下次一定叫飯 好似穩陣少少 因為啲麵同烏冬麵麻麻地