不過有款手工啤係全港獨家，亦是最啱小妹心水~~就係佢地自家釀製嘅House IPA！因為有柑橘嘅關係，所以帶微甜同有淡淡嘅花香（冇花釀年華咁濃），但同時飲到麥味而唔會苦澀，口感脷落，飲落清爽。老闆分享話過想釀一隻易入口、大眾接受度高嘅手工啤；希望未試過嘅朋友可以透過呢杯IPA嘗試接觸手工啤。若第一次鍾意，大家自然會嘗試其他唔同口味，令更多人鍾意手工啤酒；而呢杯IPA做到了！
小妹覺得下酒菜都好重要，尤其係放工想飲返杯又餓餓地，點可以淨係得花生薯片落肚嫁，呢度嘅小食都唔馬虎。小妹超推介雞軟骨、burger同 onion ring!雞軟骨係小妹最愛，新鮮炸起嘅雞軟骨，熱辣辣又脆口，特別鍾意佢係連少少雞肉，令整體更加有咬口。雖然幾熱氣，但一食會停唔到口！Onion ring同樣炸得脆口，但唔會太乾身，配酒一流！而Burger就有牛肉同豬肉2款；人手將免治肉搓成肉餅，所以食落juicy唔“鞋” ，再夾上半溶嘅cheese~簡單得黎又好味正！
呢度雖然細細地，但都幾多人識飲之人黎，氣氛唔錯嫁；店員仲會好主動介紹啱你口味嘅手工啤，試過鍾意先叫（所以小妹說他有誠意哦）
2
