阿一豬扒酸辣米綫

係附近番工 覺得呢間米線好好食 食過好多次

今日難得同啲同事去堂食 如常叫番撈米線小辣
點知係辣到完全食唔到.......

明白唔同廚房師傅既手勢可能有啲唔同
但相差到咁又太過份了吧

側邊同事更加唔食得辣 想話可唔可以攞碗湯溝淡少少
點知要收6蚊.. 勁細碗 係茶杯size...
問佢有冇熱水 佢話淨係得支裝水😅😅😅
請問正常廚房會唔會係無熱水？

想講明明係佢哋廚房出品個標準不一
我地只係想有個方法可以繼續食到個米線
相信一碗湯或一碗熱水對一間餐廳的成本並不算什麼
可惜最後的結果完全係消費者無辜去承受
決定以後唔會再食🙂‍↔️

今日食得太無癮無影相 純粹想證明一下 真係以往有食開