牛角日本燒肉專門店 (ac4)

营业中

休息中

下午茶食得太飽，所以晚餐一路拖到9點先食，不過都好在夜少少先食，難得黎到牛角可以唔使點等位，一陣就有得入座。今次食燒肉拼盤，睇落份量唔算多，但勝在生菜無限追加，再加上我地另外單點白飯share，所以食完其實都9成飽。拼盆包括牛肋肉、牛肩肉、牛舌、五花豚、雞翼：牛肋肉係招牌菜，入口軟身juicy，燒兩下就食得；牛肩肉比較難咬，肉味濃郁；牛舌薄切，燒個陣有血水，但食落無腥味；五花豚肥瘦適中，油脂非常香口；雞翼無咩味，但燒完外脆內嫩，都唔錯。生菜都幾脆，不過唔知點解每片都崩哂口，望落唔靚。