更多
2021-09-22
1397 浏览
周六有要事前往东涌, 想在东荟城草草解决Lunch。发现呢间风评不错，于是3个人黎食。不得不说，东荟城要前往6楼有点迂回曲折，对唔太熟呢个商场既我黎讲，要揾啱部去到6楼既lift有d难度。六小馆是陆庆娱乐旗下，同系仲有间六公馆。(不过冇帮衬过，不评论。)在无订台情况下, 等了约莫半小时。虽然看到里面大把位, 目睹门口小姐仍赶人走, 连飞都唔再派，感觉不太好。门口放了餐牌，点心选择价目清晰，一目了然，值得一赞。(虽然价格小贵，但明码实价。)入去到空间感十足, 窗户透入自然光，感觉明亮，窗外都有些少景睇下。内栊装修富设计感，座位亦寛敞舒适，整体新净舒服。翻查资料，原来是由香港著名梁姓设计师以60年代香港小饭馆作设计蓝本而打造，咁揼本Design，咁有格调都好应该。服务不算太好，女侍应冇讲系咩黎就迳自放下一碟错的点心，我地认得系已经食咗既野，已经几个人即时叫住佢，点知佢头也不回地转身离开，如在梦中，叫都唔醒𠮶只。(汗)好在点心在水准之上…红米鲜虾带子肠粉($62)Steamed Rice Rolls with Shrimps and Scallop外层是鲜艳的红米肠，表包幼滑，中间裹著一层炸
六小馆是陆庆娱乐旗下，同系仲有间六公馆。(不过冇帮衬过，不评论。)
在无订台情况下, 等了约莫半小时。虽然看到里面大把位, 目睹门口小姐仍赶人走, 连飞都唔再派，感觉不太好。门口放了餐牌，点心选择价目清晰，一目了然，值得一赞。(虽然价格小贵，但明码实价。)
入去到空间感十足, 窗户透入自然光，感觉明亮，窗外都有些少景睇下。内栊装修富设计感，座位亦寛敞舒适，整体新净舒服。翻查资料，原来是由香港著名梁姓设计师以60年代香港小饭馆作设计蓝本而打造，咁揼本Design，咁有格调都好应该。
服务不算太好，女侍应冇讲系咩黎就迳自放下一碟错的点心，我地认得系已经食咗既野，已经几个人即时叫住佢，点知佢头也不回地转身离开，如在梦中，叫都唔醒𠮶只。(汗)
好在点心在水准之上…
红米鲜虾带子肠粉($62)
Steamed Rice Rolls with Shrimps and Scallop
红米鲜虾带子肠粉Steamed Rice Rolls with Shrimps and Scallop
35 浏览
0 赞好
0 留言
外层是鲜艳的红米肠，表包幼滑，中间裹著一层炸薄脆，中间系虾肉，带子就唔系好觉有。
工序比较繁复，香港都唔系间间酒楼有得食，见呢度有，果断嗌黎试下。不过咁样两条就62蚊，点心黎讲有啲贵。
萝卜丝酥($48)
Crispy Turnip Puff
萝卜丝酥Crispy Turnip Puff
35 浏览
0 赞好
0 留言
另一样我觉得已经无可挑剔的点心当属呢个萝卜丝酥。坊间有好多炸得太硬，但佢呢间系松脆而不硬，冇炸过龙，冇油饐味，恰到好处，外观亦大小一致，酥皮精致好看。入面的萝卜丝非常热，入口清爽，外脆内嫩，口感一流！
是日精选($68)
Daily Special
24 浏览
0 赞好
0 留言
是日精选是胡椒猪肚汤，份量颇足，够3人饮每人1-2碗，猪肚干净，胡椒惹味，微辣暖胃，内里仲有些酸菜，可谓开胃而味美。
家乡炒银针粉($52)
Stir-Fried Needle Shaped Noodle with Shrimp & Pork
家乡炒银针粉
29 浏览
0 赞好
0 留言
以份量黎讲，呢碟银针粉算系呢间嘢之中比较抵食，银针粉睇落唔算吸引，但食落都唔错，唔算浓味唔太油腻，银针粉之肥满有咬口，个人觉得不错，但配料不算太多，直情唔系好觉有猪肉(虽然佢英文译名入面话有Pork)。
鲜虾菜苗饺($52)
Steamed Bean Sprout and Shrimp Dumplings
鲜虾菜苗饺
22 浏览
0 赞好
0 留言
作为懒健康人，总是拣呢个菜苗饺。不过呢度既菜苗饺相对普通，与一般酒楼水平差唔多，有少少蒸过龙。不算出色。
椒盐豆腐($98)
Wok-Fried Tofu with Golden Garlic and Chili
椒盐豆腐
21 浏览
0 赞好
0 留言
个人不甚喜爱食豆腐，但佢呢个整得OK，中间够嫩滑，感觉轻盈，面头撒咗啲似系七味粉既野，不辣，但够脆口。
黄金流沙包($48)
Steamed Egg Custard Cream Buns
黄金流沙包
21 浏览
0 赞好
0 留言
望落冇咩特别，但一撕开真系流到汁，量多𠮶只，由于流到只手有啲丑，冇特别影相。食落香浓奶黄味，不错。
总结
三个人食咗$522，人均$174。唔算嗌好多嘢，但食物尚算精致，味道亦佳，惟价钱稍贵。环境系一流既，呢个地方都坐得几舒服，适合一家人黎饮茶。
张贴
