八月堂 (已結業)

呢間包舖主打蜂巢狀牛角包，選用優質材料，當中包括歐洲頂級牛油、日本麵粉及ISO認證的雞蛋，而且為保持食材質素，麵團全由台灣直送，然後再運送到香港發酵、加工及烘烤等步驟🥐每日現場烘烤、限量出爐。唔同嘅分店仲有限定嘅味道，悲傷小姐真係要食多幾次先試得哂😝💗香濃起司 ($19)面頭放上澳洲芝士片，少少一片已經芝香撲鼻不過以整個牛角包嚟講就唔夠香濃，如果有埋芝士醬流心嘅話應該會更加特出🧀💗榛果巧克力 ($22)面頭鋪上一層濃郁嘅黑朱古力醬，濃度70%以上味帶微苦，甜而不膩。混入榛子碎增加咗口感，不過份量再多d就有更多果仁香。面頭有少量金箔同原粒榛子做裝飾品🍫💗金沙芋泥($20)咸蛋黃流心甘香濃郁，口感沙沙地，有奶皇月餅嘅影子🐣面頭唧有綿滑香甜唧芋泥，一鹹一甜咁又幾夾🍠最後灑上蛋黃碎做到金光閃閃。💗焦糖杏仁卡士達 ($22)吉士醬採用天然香草籽同法國天然鮮奶油，係非常classic嘅味道，食落綿密細膩🍨仲有份量唔少嘅烤焗糖杏仁片，香脆嘅口感令整體加分，另外用適量嘅焦糖醬吊起整體甜味。💗好事花生($22)用上自製花生起司醬，比起現成嘅花生醬更濃滑細膩，份量多到滿瀉好creamy，再灑上少量花生粉。