容記小菜王 (已結業)

聖誕夜同屋企人響新蒲崗附近參加完一個聖誕聚會，諗住打邊爐，見近近地呢間酒樓火鍋任食好似幾抵食，就上去試下～ 點知當時10:00pm，店員話太夜火鍋已無曬不過已經攞咗位就決定食小菜算啦～～ 呢度都幾多海鮮同平價小菜。叫咗椒鹽豬排、椒鹽豆腐、2隻波士頓龍蝦、粉絲肥牛煲、帶子炒菜心、蒜蓉蒸勝瓜、炒滑蛋、蜜椒薯仔牛柳粒。每樣小菜味道同火喉都唔錯，海鮮都幾鮮甜同新鮮，唯一一樣無咁好食嘅係椒鹽豆腐嘅外皮比較厚，口感唔係咁好。7個人食埋單每人$148，幾抵食